Ерөнхий захирлын мэндчилгээ

    Чөлөөт эдийн засагт шилжсэн тэртээх 1997 оноос хойш өнөөдрийн хөгжингүй цаг үе хүртэлх 25 жилийн турш тавилгын худалдаа, үйлдвэрлэлийн хөгжлийг хамтдаа хөтөлж ирсэн эрхэм та бүхэндээ талархал илэрхийлэн мэндчилье. Орчин цагт албан байгууллагууд брэндийн өнгө төрх, байр суурь, цаашлаад өрсөлдөхүйц чанараа интерьер дизайнаар илэрхийлдэг болсон. Иймд ажилчдад бүтээмж, сэтгэл ханамжийг олгож, байгууллагад урт хугацааны эдийн засгийн хэмнэлтийг бий болгохын зэрэгцээ ухаалаг, оновчтой тавилгын шийдэл бүхий цогц үйлчилгээ үзүүлэх нь бидний гол зорилго юм. Энэхүү зорилгынхоо хүрээнд АНУН ХХК өнгөрсөн 25 жилийн хугацаанд бизнесийн гараагаа эхлүүлж, өргөжин тэлж байгаа нийт 22,250 гаруй харилцагч байгууллагын ажлын байрыг иж бүрэн тохижуулж хүлээлгэн өгсөн байна. Манай компанийн чадварлаг хамт олон “Ажил гэр-Аз жаргал” уриан дор үргэлж тавилгын чиг хандлагыг тодорхойлогч байж, эрхэм харилцагчдынхаа сэтгэлд нийцсэн чанартай үйлчилгээг хүргэхээр хичээн ажиллах болно. Нэгэн зүгт харан урагшилж буй ажилчид, эрхэм харилцагч, түнш нартаа АНУН ХХК-ийн 25 жилийн ойн баярын мэндийг дахин хүргэе. АНУН ХХК нь 1997 онд бизнесийн гараагаа оффисын тавилгын импорт, худалдаагаар эхэлсэн.